Huwebes, Abril 02, 2020
Usapan ng mga langgam
USAPAN NG MGA LANGGAM
nag-uusap-usap ang pulutong ng mga langgam
paano raw masawata ang mga mapang-uyam
paano pagsasamantala'y tuluyang maparam
paano rin kakamtin ang lipunang inaasam
mga tanong na karaniwan nilang agam-agam
paano ka tutugon sa mga tanong na ito
lalo't dapat suriin ang kalagayan sa mundo
marahil, magkakaroon lamang ng pagbabago
kung walang pribadong pag-aaring pribilehiyo
ng mga nakakariwasa't mayayamang tao
babalik ba sa panahong primitibo komunal
kung saan may pagkapantay, buhay ay di marawal
baka bumalik ang panahong alipin at pyudal
at muling magsamantala ang mga may kapital
pag naulit lahat ng ito, tayo'y mga hangal
di matapos-tapos ang usapan nila't debate
hanggang ang kasalukuyan ay sinuring mabuti
pangarap na pagkapantay at prinsipyo'y sinabi
komunal man, ngunit di primitibo ang maigi
kundi progresibong komunal ang dapat mangyari
- gregbituinjr.
Mag-subscribe sa:
I-post ang Mga Komento (Atom)
Sa huling araw ng Hunyo
SA HULING ARAW NG HUNYO pulos sulat di maawat pulos tulâ ang mahabâ ang pasensya habang masa ninanasa ay hustisya iyan pa rin ang gagawin ta...

-
PUSANG KUMAKAIN NG HALAMAN nabidyuhan ni misis si alaga naroong kumakain ng halaman buti't nakunan niya iyong sadya na di ko naman natit...
-
TULA SA IKA-232 KAARAWAN NI GAT FRANCISCO BALAGTAS (Abril 2, 1788 – Pebrero 20, 1862) M akatang Balagtas, / tunay na dakila A t is...
-
BOOK SALE laking National at laking Book Sale kayraming librong dito'y nabili sa aklat ay di ako mapigil lalo't diyan ako nawiwil...
Walang komento:
Mag-post ng isang Komento