SALAMAT SA SAGING AT ITLOG
matapos ang Kalbaryo ng Maralita
ay pinabaunan ng saging at itlog
di nakain sa rali, inuwing sadya
pagkain ngayong umaga at nabusog
salamat sa kasamang nagbigay niyon
na dapat ay kahapon ko pa kinain
salamat at ako'y may almusal ngayon
ako'y pinalakas ng itlog at saging
buti't naalalang nakalagay sa bag
kaya daga'y walang makain kagabi
inilagay agad sa ref ng magdamag
bagamat may pusa, di siya mahuli
at muli, salamat sa mga kasama
talagang kasangga sa pakikibaka
- gregoriovbituinjr.
03.28.2026
Walang komento:
Mag-post ng isang Komento