PASASALAMAT
salamat sa nagla-like sa tulâ
dahil sa inyo, gising ang diwà
at harayà ng abang makatâ
kahit tigib ng lumbay at luhà
kayo, ang masa, ang inspirasyon
upang ipagpatuloy ang misyon
sa wikang Filipino at nasyon
upang tuparin ang nilalayon
mapagkumbaba akong saludo
sa inyo, kapwa dukha't obrero
kung wala kayo, walâ rin ako
salamat, pagpupugay sa inyo!
tunay ngang ang masa ang sandigan
nitong makatâ para sa bayan
kayrami nating pinagsamahan
at marami pang pagsásamáhan
- gregoriovbituinjr.
01.09.2026
Walang komento:
Mag-post ng isang Komento