BASURA
nang sumigaw ang maton sa daan
ng "Lumabas ang matapang diyan!"
ginawa ng mga kapitbahay
basura'y inilabas na tunay
sila ang matatapang talaga
binigay sa maton ang basura
ano ngayon, saan ang tapang mo
basura tuloy para sa iyo
maton ba kaya talak ng talak
ay nanghiram ng tapang sa alak
bakit ba naghahanap ng away?
kanino galit? mata'y mapungay?
basura ba ang asal ng maton?
kaya basura'y ipinalamon?
minsan sa komiks inilalantad
ang katotohanang tila hubad
- gregoriovbituinjr.
07.13.2025
* komiks mula sa pahayagang Pang-Masa, Hulyo 9, 2025, p.7
Walang komento:
Mag-post ng isang Komento