SONETO SA PAGKAKAPE
kaylamig sa madaling araw
kaya napabangon sa ginaw
at ngayong umaga'y nagkape
habang isip ay pinutakte
ng samutsaring naninilay
habang dama ang pagkalumbay
may asukal kaya tumamis
ang kape, ingat, diabetes
ay baka naman manligalig
dapat patuloy pang tumindig
habang katawan pa'y malakas
dapat katawan pa'y lumakas
tara, tayo'y magkape muna
lalo't maginaw ang umaga
- gregoriovbituinjr.
06.24.2025
Walang komento:
Mag-post ng isang Komento