KAHIG AT TUKA
inahin at kanyang inakay
ay kahig ng kahig sa lupa
pagkain ang hanap na tunay
silang sangkahig at santuka
sa kanila nga raw kinuha
yaong sikat na talinghaga
sa buhay ng dalitang masa
ang "isang kahig, isang tuka"
ako naman, aklat ko'y iba
ang "Isang Kabig, Isang Tula"
na paglalarawan sa masa
maralita at manggagawa
ngayon ako'y napatitig
sa inahing kahig ng kahig
- gregoriovbituinjr.
06.27.2025
* mapapanood ang bidyo sa kawing na: https://www.facebook.com/share/v/12Mr64sdXUS/
Walang komento:
Mag-post ng isang Komento