Biyernes, Marso 28, 2025

Ang tatlo kong daigdig

ANG TATLO KONG DAIGDIG

sa tatlong daigdig umiikot 
ang araw at gabi kong pag-inog:
sa pamilya, sa pakikibaka
at lalo na sa literatura

tutula na sa madaling araw
sa umaga'y bibili ng lugaw,
tsamporado at sampung pandesal
ihahanda sa aming almusal

pag nasok sa trabaho si misis
ako naman ay tutungong opis
o kaya'y sa rali sa lansangan
gagampan ng tungkulin sa bayan

pamilya naman kapag umuwi
sanaysay at tula pag naglimi
aktibismo man ang nasa dibdib
ang pag-irog sa pamilya'y tigib

magbabasa ng nabiling aklat
magninilay at may isusulat
palipat-lipat, papalit-palit
sa tatlo kong mundong magkalapit

- gregoriovbituinjr.
03.28.2025

Walang komento:

Mag-post ng isang Komento

Paligsahan na ba ang paghuli ng kriminal?

PALIGSAHAN NA BA ANG PAGHULI NG KRIMINAL? paramihan na raw ng huli ng kriminal, sa ulat sabi  ng bagong tinalagang hepe o namumuno sa PNP su...