NADAKIP SI KUPIDO
sa komiks lang nakita ito
at napasaya akong sadya
nadakip kasi si Kupido
sapagkat may hawak na pana
naka-brief lang, kaya hinuli
baka may pusong mapadugo
baka makapanakit kasi
sa sinumang nasisiphayo
ayon daw sa mitolohiya
layunin niya ang panain
ang dalawang pusong nagkita
upang bawat isa'y ibigin
datapwat sa panahon ngayon
si Kupido'y alamat na lang
patuloy man ang kanyang misyon
sa komiks na'y kinatuwaan
- gregoriovbituinjr.
02.15.2025
* mula sa pahayagang Pang-Masa, Pebrero 14, 2025, p.7
Walang komento:
Mag-post ng isang Komento