Lunes, Pebrero 24, 2025

Kawawa naman ang buwaya

KAWAWA NAMAN ANG BUWAYA

kawawa naman ang buwaya
sa tusong trapo iginaya
dahil ba sa kapal ng balat
o pangil, kaytinding kumagat

buwaya'y tawag sa tiwali
lalo't trapo'y tengang kawali
sa hirap at dusa ng dukha
sa bayan ay walang ginawa

nakatanghod lamang sa kaban
ng bayan ang nanunungkulan
imbes sa masa kumakampi
ay sa burgesya nagsisilbi

kabang bayan ang nasa isip
pati alagad nilang sipsip
buwaya'y kawawang totoo
pagkat itinulad sa trapo

- gregoriovbituinjr.
02.24.2025

* batay sa komiks na Bugoy sa pahayagang Pang-Masa, Pebrero 23, 2025, p.7
sa

Walang komento:

Mag-post ng isang Komento

Mag-subscribe sa: I-post ang Mga Komento (Atom)

Kawawa naman ang buwaya

KAWAWA NAMAN ANG BUWAYA kawawa naman ang buwaya sa tusong trapo iginaya dahil ba sa kapal ng balat o pangil, kaytinding kumagat buwaya'y...

  • Pusang kumakain ng halaman
    PUSANG KUMAKAIN NG HALAMAN nabidyuhan ni misis si alaga naroong kumakain ng halaman buti't nakunan niya iyong sadya na di ko naman natit...
  • Sa bawat patak ng ulan
    SA BAWAT PATAK NG ULAN umaga, makulimlim na naman ang kalangitan nagbabadya na naman ng malakas na pag-ulan naalimpungatan ako sa patak sa b...
  • Panawagang pangkalusugan
    PANAWAGANG PANGKALUSUGAN mahalagang pundasyon ng mga kababaihan ang ipaglaban ang kalusugan ng mamamayan namnamin lamang natin ang kanilang ...