Sabado, Disyembre 28, 2024

Relatibo

RELATIBO

sa mga kamag-anak ko't katoto
kapisan, kumpare, kaugnayan ko
pulitikal at personal ba'y ano?
masasabi ba nating relatibo?

piho, sa akin ay magandang aral
lalo't ang personal ko'y pulitikal
isa itong prinsipyong unibersal
kaya sa aktibismo'y tumatagal

pinipilit ugnayan ay mabuo
at prinsipyong tangan ay di maglaho
suliranin ma'y nakapanlulumo
ay tutupdin anong ipinangako

pakikibaka'y isinasabuhay
maraming bagay ang magkakaugnay
mga sagupaan ma'y makukulay
madalas ay talaga kang aaray

- gregoriovbituinjr.
12.28.2024

Walang komento:

Mag-post ng isang Komento

Sa Buwan ng Wika

SA BUWAN NG WIKA kinalulugdan ko / ang Buwan ng Wika na sa bawat pintig / niring puso'y handa nang muling sumuong / sa anumang sigwa mai...