LUMANG TAON, LUMANG SISTEMA
patuloy pa rin ang kahirapan
kahit sa pagtatapos ng taon
dukha'y lublob pa rin sa putikan
may tinik sa paang nakabaon
lumang taon ay lumang sistema
dalita'y gumagapang sa lusak
sa Bagong Taon, ganyan pa rin ba?
na buhay ng dukha'y hinahamak
wala raw pribadong pag-aari
kaya pinagsasamantalahan
ng mga lintang kamuhi-muhi
na talagang sa pera gahaman
pakikibaka'y patuloy pa rin
upang lipunang nasa'y mabuo
kadena ng pagkaapi'y putlin
lipunang makatao'y itayo
- gregoriovbituinjr.
12.31.2024
Walang komento:
Mag-post ng isang Komento