UNANG KRIMINAL, AYON SA PALAISIPAN
turo mula sa Genesis noong ako'y bata pa
pinatay ni Cain si Abel na kapatid niya
kaya nang sa palaisipan tinanong talaga
Lima Pababa: Unang kriminal, si Cain pala
Adan ang sagot, Pito Pababa: Unang lalaki
si Adan na kumain ng mansanas na sinabi
ni Eva, at si Cain na pangunahing salbahe
binahaging kaalaman ng krosword na'y kayrami
tunay ngang may kabuluhan bawat palaisipan
sapagkat hinahasa nito ang ating isipan
pinasisilip nito'y samutsaring kaalaman
iba't ibang paksa, mayorya'y talasalitaan
sa umaga madalas bibilhin ko na'y diyaryo
dahil sa balita at sumagot ng krosword dito
pinakapahinga ko na matapos magtrabaho
o galing rali o may pinagnilayang totoo
- gregoriovbituinjr.
10.09.2024
* krosword mula sa pahayagang Abante, 10.07.2024, p.10
Mag-subscribe sa:
I-post ang Mga Komento (Atom)
Bakas
BAKAS naiiwan iyang bakas sa nakaraan habang tinatahak pa ang kasalukuyan upang kamtin ang asam na kinabukasan ika nga sa isang sikat na kas...
-
PAANO BA TATAPUSIN ANG KWENTO? Munting sanaysay ni Gregorio V. Bituin Jr. Kailangan bang matapos agad ang kwento? Iyan ang tanong ko minsan,...
-
ANG MAGTANIM NG PUNO sinabi noon ng isang polimatong Bengali at makatang nagngangalang Rabindranath Tagore ang magtanim ng puno, mag-alaga...
-
MAG-INGAT SA PAPUTOK NA GOODBYE DALIRI ah, mag-ingat sa paputok na samutsari baka matamaan at biglang mapalungi may Sinturon ni Hudas, Bin L...
Walang komento:
Mag-post ng isang Komento