Sabado, Oktubre 19, 2024

Tamis ng pulot

TAMIS NG PULOT

anong tamis ng pulot-pukyutan
na bubuyog ang may kagagawan
tulad ng aming pagmamahalan
di ng presyo kundi pag-ibigan

animo kami'y langgam sa tamis
baka kaya nagka-diabetes
di naman mahilig sa sorbetes
kundi tula'y isulat ng lapis

ika nga'y wala nang tatamis pa
kapag tayo'y laging magkasama
ako ang iyong bubuyog, sinta
ikaw naman ang aking sampaga

ganyan katamis yaring pag-ibig
na sadya namang di palulupig
kaya piniit kita sa bisig
nang bulong ng puso ko'y marinig

- gregoriovbituinjr.
10.19.2024

Walang komento:

Mag-post ng isang Komento

Si alaga

SI ALAGA sa bahay ay kauuwi lang sadya pawisan mula lakarang kayhaba at agad kong natanaw si alaga na sa kanyang kama ay nakahiga si misis a...