MAGSING-IROG
lagi tayong magkaugnay
sa gitna ng tuwa't lumbay
ay mag-iibigang tunay
di tayo maghihiwalay
sinasamba kita, sinta
mabago man ang sistema
makamit man ang hustisya
pakaiibigin kita
sa pagbabakasakali
pagsinta'y naipagwagi
di papayag maduhagi
ng sinumang mang-aglahi
tara na sa paraiso
na animo'y kalaboso
ikaw na sintang totoo'y
kukulungin sa bisig ko
- gregoriovbituinjr.
09.25.2024
* litrato mula sa google
Walang komento:
Mag-post ng isang Komento