ANG BILIN SA BABABA NG VAN
napakasimpleng bilin lamang
nitong tsuper sa pasahero
magsabi pag bababa ng van
ang nasa upuan sa dulo
bilin pa iyong nakapaskil
kaylaki, mababasa't lantad
kung nais pumara'y titigil
tsuper ay sabihan lang agad
buti't may ganyang karatula
napakalinaw ng mensahe
sabihin kung saan papara
at maiwas sa aksidente
sa tsuper, maraming salamat
bilin sa pasaherong mulat
- gregoriovbituinjr.
08.05.2024
Walang komento:
Mag-post ng isang Komento