PANGHILOD
gamit ni misis sa aking likod
ang mahiwagang batong panghilod
hiniluran ko naman ang tuhod
binti, sakong, hanggang sa mapagod
natanggal ang isang kilong libag
nang mahiluran ay nangalaglag
para bang aking puso'y binihag
ng magandang diwatang lagalag
nang makaligo, ramdam na'y presko
libag pa'y nabawasang totoo
napatitig ako sa kuwago
at sa parot na maraming kwento
kaygaling ng panghilod ni misis
isang kilong libag ko'y napalis
- gregoriovbituinjr.
04.28.2024
Walang komento:
Mag-post ng isang Komento