PALAKASIN ANG PANGANGATAWAN
palakasin ang pangangatawan
tangi itong kabilin-bilinan
ng aming matatanda sa bayan
pati na yaong nasa tubuhan
bawasan mo iyang matatamis
lalo na't katawan ay numipis
kanin ay huwag kumaing labis
magpalakas kahit na magtiis
di kailangan ang masasarap
kung katawan nama'y maghihirap
kung may sakit, paanong pangarap
na lipunang dahilan ng sikap
kung di susunod, mahahalata
sa katawan pag binalewala
ang payo ng mga matatanda
gayong tinutulungan ka na nga
- gregoriovbituinjr.
03.30.2024
Walang komento:
Mag-post ng isang Komento