BILIN SA PAGKAIN
kailangang busugin ang tiyan
agahan, tanghalian, hapunan
upang lumiwanag ang isipan
at lumakas ang buto't katawan
upang di ka rin basta manlambot
subalit di dapat makalimot
sasabayan ng inom ng gamot
bitamina, mineral, at pulot
kahit kumakain nang mag-isa
pagkain ay kaysarap ng lasa
aba'y mabubusog kang talaga
habang paalala'y binabasa:
huwag raw mag-ilaw sa almusal
pagkat maliwanag ang natural
na ilaw, ang araw, isang aral
yaong sa diwa ko'y magtatagal
- gregoriovbituinjr.
02.08.2024
Walang komento:
Mag-post ng isang Komento