GULAG
limang titik sa app ng Word Connect ay GULAG
pitong titik, LUGGAGE, inuna kong sagutin
di iyon tsamba, batid ko ano ang GULAG
kulungan iyon sa panahon ni Stalin
kung sa Nazi Germany, may concentration camp
na nagdulot ng kamatayan sa marami
kay Stalin, GULAG ang tawag sa labor camp
kulungan at kamatayang di mo masabi
kayraming mga inosente ang biktima
sa usaping pulitikal at emosyonal
kayraming ikinulong na nakikibaka
na namatay na lamang nang di makatagal
minsan, mabuting magbasa ng kasaysayan
nang sa palaisipan ay may maisagot
anong nangyari sa laksa-laksang digmaan
gunita ng gulag ay nakakakilabot
- gregoriovbituinjr.
12.04.2023
Walang komento:
Mag-post ng isang Komento