Lunes, Mayo 22, 2023

Ang tula

ANG TULA

"Poetry is not only what I do, it’s who I am." ~ Anonymous

nakagisnan ko't kinagiliwan
ang pagbabasa ng panitikan
lalo na ang mga kathang tula
na nanunuot sa puso't diwa
noon pa ay Florante at Laura
ngayon ay Orozman at Zafira
kay Batute'y Sa Dakong Silangan
Ang Mga Anak-Dalita'y nandyan
kay Shakespeare, mga likhang soneto
tulang Raven ni Edgar Allan Poe
tula'y di lang gawain kong tunay
kundi ako rin ang tula't tulay
sa mga alon ng karagatan
at mga luha ng kalumbayan

- gregoriovbituinjr.
05.22.2023

Walang komento:

Mag-post ng isang Komento

Kadakuon 8.8 na lindol sa Rusya

KADAKUON 8.8 NA LINDOL SA RUSYA kadakuon walo punto walo ang lakas ng pagyanig sa Rusya kaya sadyang pinakaba tayo sa lindol sa tangway ng K...