Linggo, Hulyo 03, 2022

Pagbabasa't pagkatha

PAGBABASA'T PAGKATHA 

nais kong makakatha't
maghanap ng salitang
lapat, may wastong diwa't
magbasa lagi't sadya

kung magulo ang isip
dibdib ay nagsisikip
wala bang kahulilip
anumang halukipkip

naidlip, nagpantasya't
napabuntong hininga
nagising kapagdaka't
hinanap na'y hustisya

ginawa ng bayani
ay aral sa marami
di na nag-atubili
sa bayan magsisilbi

magbasa-basang lagi
ang layon kong masidhi
pagkat nilulunggati'y
ang makasulat muli

- gregoriovbituinjr.
07.03.2022

Walang komento:

Mag-post ng isang Komento

CLAYGO - Clean As You Go

CLAYGO - Clean As You Go magandang panuntuan ang  CLAYGO na kahulugan ay  Clean As You Go una kong nakita sa kantina ng ospital at nang mabi...