Martes, Hunyo 21, 2022

Pagtipa

PAGTIPA

nagtatayp ako sa Filipino
biglang iibahin nitong selpon
ang anumang isinusulat ko
kaya madalas ihagis iyon

dahil sa inis, nakakainis
sinulat ko'y biglang iibahin
ang Tagalog ko'y gagawing Ingles
nitong tinamaan ng magaling 

kinokorek ako't minamali
dugo ko'y nagtataasang kagyat;
mag-edit at huwag magmadali
ito ang naging gabay ko't sukat

si misis ang di napapakali
sino na naman ang inaaway;
buti't nandiyan siya sa tabi
baka selpon ay basag nang tunay

habaan ang pisi, kanyang payo
magpasensya sa bawat larangan
di ako dapat nasisiphayo
pagkat kaunting bagay lang iyan

- gregoriovbituinjr.
06.21.2022

Walang komento:

Mag-post ng isang Komento

Kadakuon 8.8 na lindol sa Rusya

KADAKUON 8.8 NA LINDOL SA RUSYA kadakuon walo punto walo ang lakas ng pagyanig sa Rusya kaya sadyang pinakaba tayo sa lindol sa tangway ng K...