Linggo, Abril 10, 2022

Ako'y simpleng tibak

AKO'Y SIMPLENG TIBAK

ako'y simpleng tibak na patuloy na lumalaban
upang kamtin ng bayan ang hustisyang panlipunan
at kumikilos para sa pantaong karapatan
upang respetuhin ang dignidad ng mamamayan

ako'y simpleng tibak na gumagampan ng tungkulin
upang asam na makataong lipunan ay kamtin
upang manggagawa bilang uri'y pagkaisahin
upang sa bulok na sistema, bayan ay sagipin

ako'y simpleng tibak na asam ay lipunang patas
kung saan walang inhustisya't gawaing marahas
kung saan ang pamamalakad sa tao'y parehas
kung saan di umiiral ang trapo't balasubas

ako'y simpleng tibak na may prinsipyong dala-dala
para sa uring manggagawa, sa bayan, sa masa
mithi'y makataong sistema kaya nakibaka
tara, ako'y samahan kung saan ako pupunta

- gregoriovbituinjr.
04.10.2022

Walang komento:

Mag-post ng isang Komento

Subic, sakop pa ba ng U.S.?

SUBIC, SAKOP PA BA NG U.S.? natanggal higit tatlong dekada na ang base militar ng Amerika may panukala mga solon nila: Subic ay gawing imbak...