SA KAWAYANAN
napatitig ako sa kawayan
nang mapadalaw sa pamayanan
ng maralita sa isang bayan
at kayrami kong napagnilayan
kalikasan, alagaan natin
kapaligiran, ating linisin
paano ang dapat nating gawin
nang luminis ang maruming hangin
nakakahilo na ang polusyon
sa mga lungsod, bayan at nayon
dapat may magawa tayo ngayon
para sa sunod na henerasyon
sa kawayanan ay napatitig
nanilay, dapat tayong tumindig
halina't tayo'y magkapitbisig
para sa kalikasan, daigdig
- gregoriovbituinjr.
03.06.2022
- litratong kuha ng makatang gala sa isang sityo sa Antipolo
Walang komento:
Mag-post ng isang Komento