Martes, Marso 29, 2022

Pamasahe

PAMASAHE

sa pasahe, tiket ay patunay
sa beepbus na ikaw ay sumakay
tumaas lang ng piso'y aaray
tila ba bulsa'y nasaktang tunay
magbayad pa rin sa paglalakbay
nang makarating ng matiwasay
sa iyong destinasyon at pakay

tulad din sa ating pamumuhay
mula pagsilang hanggang mamatay
di lang tutunganga't maghihintay
kundi mamamasahe kang tunay
destinasyong plano'y nilalakbay
sumusulong sa bawat pagsakay
bababa pag narating ang pakay

- gregoriovbituinjr.
03.29.2022

Walang komento:

Mag-post ng isang Komento

Paligsahan na ba ang paghuli ng kriminal?

PALIGSAHAN NA BA ANG PAGHULI NG KRIMINAL? paramihan na raw ng huli ng kriminal, sa ulat sabi  ng bagong tinalagang hepe o namumuno sa PNP su...