Miyerkules, Pebrero 16, 2022

Lasbat nat dalis



LASBAT NAT DALIS

laspag nga ba ang dilis
nang ito'y humagibis
tumalon at nagburles
sa ilog na malinis
o malawak na batis

ayokong magmalabis
sa paggawa ng hugis
di man gayon katulis
ako pala'y mabilis
napasagot si misis

minsan paalis-alis
na maganda ang bihis
hanap ay mangga't atis
paborito ng buntis
na pagsinta'y kaytamis

problema'y napapalis
ulam ko man ay dilis
at sawsawan ay patis
sa pila man magtiis
ako'y lasbat nat dalis

- gregoriovbituinjr.
02.16.2022

Walang komento:

Mag-post ng isang Komento

Necessary o necessity, sa RA 12216 (NHA Act of 2025)

NECESSARY O NECESSITY, SA RA 12216 (NHA ACT OF 2025) Nagkakamali rin pala ng kopya ang nagtipa ng batas na Republic Act 12216 o National Hou...