ramdam ko ang paghaplos ni misis
bago siya kanina umalis
haplos na tanda ng paglalambing
kahit di man muna magkapiling
may trabaho siya sa Maynila
ako'y naiwang di makahuma
walang kibo o di makaimik
nasa isip ay isinatitik
gayunman, nanatili ang haplos
na ngayong gabi'y yakap kong lubos
nawa'y magawa lahat ng bilin
di man makatulog ng mahimbing
at inumin ang mga tableta
batay sa nasulat sa reseta
sana'y gumaling na akong lubos
sana'y madama muli ang haplos
- gregoriovbituinjr.
11.11.2021
Walang komento:
Mag-post ng isang Komento