KaWaWà
aba'y mahirap ding maging kasaping maralità
sa Kapisanan ng mga Walang Walà (KaWaWà)
kalunos-lunos na ang kalagayan naming dukhà
patuloy pang sinusuong ang dumatal na sigwà
sabi nila, kung may tanong, itanong daw sa matsing
subalit huwag kang magtatanong sa mga praning
baka mahulog ka sa balon, di ka na magising
ngunit "tuso man ang matsing, napaglalalangan din"
dahil sa virus, kayraming nawalan ng trabaho
nagbigay ng pagkakataon sa kapitalismo
upang mapagsamantalahan uli ang obrero
oportunidad sa kapitalistang abusado
kung sa grupong KaWaWa ay mananatili na lang
ang mga hayok sa dugo ng dukha'y manlalamang
sigaw namin ay hustisya sa biktima ng tokhang
na walang proseso't mga inosente'y napaslang
- gregoriovbituinjr.
Walang komento:
Mag-post ng isang Komento