mabuhay ang mga manggagawang kayod ng kayod
sa trabaho para lang sa kakarampot na sahod
sa gitna man ng pandemya, huwag lang nakatanghod
pinipintahan yaong sa kalawang na'y napudpod
nawa'y makasama namin kayong mapag-aralan
at masuri ang samutsaring isyung panlipunan
masdan bakit sa kabila ng inyong kasipagan
ay may laksang naghihirap at mayamang iilan
- gregoriovbituinjr.
- kuha ng makatang gala sa foot bridge sa kanto ng Quezon Ave. at Sgt. Esguerra St., malapit sa Edsa
Walang komento:
Mag-post ng isang Komento