kailangan ng pera, ito ang sabi ni misis
dahil sa kahirapan, ayaw na niyang magtiis
dapat daw akong magtrabaho't mabili ang nais
sumweldo't nang may pambayad sa bayarin at buwis
kailangan naming magbayad ng kuryente't tubig
bayad sa ospital pag nagkasakit o nabikig
pambili ng ilalaman sa aming mga bibig
pulos sa pera na lang umiikot ang daigdig
kailangan ng salapi, ito ang kalakaran
upang mabuhay ka'y dapat ka ring maging bayaran
lakas-paggawa'y ibebenta hanggang masahuran
ilang taon bang ganito ang iyong katauhan
kailangan ng kwarta, dapat lagi kang may sweldo
kung di man limpak na tubo pag ika'y nagnegosyo
ganyan ang palakad sa lipunang kapitalismo
binibili na rin ng pera pati pagkatao
- gregbituinjr.
Mag-subscribe sa:
I-post ang Mga Komento (Atom)
Look Forward tayo kay Attorney Luke
Look Forward tayo kay Attorney Luke Lider-manggagawa siyang subok Sa Senado ay ating iluklok Lalo 't sistema'y di na malunok Iboto n...
-
PUSANG KUMAKAIN NG HALAMAN nabidyuhan ni misis si alaga naroong kumakain ng halaman buti't nakunan niya iyong sadya na di ko naman natit... -
BOOK SALE laking National at laking Book Sale kayraming librong dito'y nabili sa aklat ay di ako mapigil lalo't diyan ako nawiwil... -
SA BAWAT PATAK NG ULAN umaga, makulimlim na naman ang kalangitan nagbabadya na naman ng malakas na pag-ulan naalimpungatan ako sa patak sa b...
Walang komento:
Mag-post ng isang Komento