sanay din akong maglagare't magkayod-kalabaw
sa anumang gawain ay masipag araw-araw
naroon man sa gubat na madilim at mapanglaw
upang mabuhay lamang ay nagsisipag gumalaw
masipag akong obrero't inaabot ang kota
na inaambag ko'y produktibidad sa kumpanya
sa dami nilang tinutubo'y tuwang-tuwa sila
habang karampot lang ang nabibigay sa pamilya
sa araw-araw na buhay, di ako naging tamad
pag kinakailangan, aba'y gagawin ko agad
magwalis at maglaba, sinampay man ay ibilad
basta di kumplikado't ang paa ko'y nakasayad
tatamarin kang gawin pag di alam ang diskarte
sasampa ka sa bubong, aakyatin mo ang poste
walang kasanayan sa gawain, lalo na't libre
paano aayusin ang alambre ng kuryente
walang tinatamad basta klarado ang tungkulin
magsisipag kang talaga lalo't sweldo'y di bitin
walang tamad basta para sa pamilya'y gagawin
magsisipag ka basta unawa mo ang layunin
- gregbituinjr.
Mag-subscribe sa:
I-post ang Mga Komento (Atom)
Paunang Salita sa planong aklat na "Talambuhay ng Ilang Manunulat na Nagpatiwakal"
PAUNANG SALITA ni Gregorio V. Bituin Jr. Hindi ako sikolohista kundi isang biyudong nakaranas ng depresyon. Kalagitnaan ng Abril 2026, halos...
-
ANG TAMANG GAMIT NG RITO AT DITO "Bawal Umihi Rito" ang nakita kong paalala sa isang pader sa T. Alonzo St. sa Baguio City, malap... -
LAGOT SILA KAY AGOT artistang si Agot Isidro, may tanong sa atin di palaisipan ngunit ating pakaisipin: "Kung kayo si Sierra Madre, sin... -
DPWH - Departamento ng Puro Walang Hiya napakasakit na nilalamon tayo ng baha dahil sa Departamento ng Puro Walang Hiya ika nga ng mga napan...
Walang komento:
Mag-post ng isang Komento