may mga bangkang papel ako ngayong bumabagyo
bangkang papel na pawang liham sa ating gobyerno
mga mensahe hinggil sa karapatang pantao
para sa hustisya, may paglilitis at proseso
sa kanal at ilog inilagay ang bangkang papel
bakasakaling makarating sa sinumang sutil
nananawagang mga pandarahas ay itigil
at panonokhang sa mga inosente'y mapigil
nawa'y mabasa ninyo ang mensaheng nakasulat
sa mga bangkang papel na may isinisiwalat
mensahe sa taumbayang dapat silang mamulat
at kumilos para sa hustisya para sa lahat
simpleng bangkang papel na payak ang pagkakagawa
subalit handa sa pagharap sa maraming sigwa
bangkang papel na di sana tumirik sa simula
gaano man kahirap ay marating din ang sadya
- gregbituinjr.
Mag-subscribe sa:
I-post ang Mga Komento (Atom)
Ang mensahe sa plakard
ANG MENSAHE SA PLAKARD nakunan ko'y isang mahalagang mensahe sa anibersaryo ng pag-aalsang Edsa "Marcos-Duterte Panagutin!" ya...
-
PUSANG KUMAKAIN NG HALAMAN nabidyuhan ni misis si alaga naroong kumakain ng halaman buti't nakunan niya iyong sadya na di ko naman natit...
-
BOOK SALE laking National at laking Book Sale kayraming librong dito'y nabili sa aklat ay di ako mapigil lalo't diyan ako nawiwil...
-
KALATAS SA AKING MGA APO, LIHAM 1 mabuhay kayo, mga apo ko, apo sa tuhod at talampakan, ako'y nagsisipag sa pagkayod upang magandang kin...
Walang komento:
Mag-post ng isang Komento