ako't tibak, mas matimbang ang uri kaysa dugo
prinsipyo'y pinaglalaban, mabasag man ang bungo
adhika ang pangunahin, harangin man ng punglo
sosyalismong layunin ang sa masa'y sinusuyo
sa personal, pag nangutang ng pera sa kapatid
tanong nya'y bakit wala akong pera, ang pabatid
sa mga kasama, di na magtatanong ng bakit
dahil unawa nila ang gawain ko't pasakit
sa personal, ani itay, ano bang mapapala
sa pakikibaka kundi magdudulot ng hidwa
sa mga kasama, binabaka nami'y kuhila
iwawaksi'y sistemang bulok at kasumpa-sumpa
sa personal, anang asawa'y dapat nang tumigil
pamilya ang tutukan, di sistemang mapanupil
subalit kikilos ako laban sa mapaniil
nang pananalasa ng kapitalismo'y mapigil
kaya sa akin, matimbang kaysa dugo ang uri
aming wawasakin ang pribadong pagmamay-ari
dudurugin ang mapagsamantala't naghahari
at itatayo ang sosyalismong kapuri-puri
- gregbituinjr.
Mag-subscribe sa:
I-post ang Mga Komento (Atom)
Bahâ
BAHA Magkaka-lestospirosis / pag sa akin ay lumusong Ang babae man o batang / di na kayâ pang umurong. Pataas na ng pataas / ang tubig ...
-
LAGOT SILA KAY AGOT artistang si Agot Isidro, may tanong sa atin di palaisipan ngunit ating pakaisipin: "Kung kayo si Sierra Madre, sin... -
DPWH - Departamento ng Puro Walang Hiya napakasakit na nilalamon tayo ng baha dahil sa Departamento ng Puro Walang Hiya ika nga ng mga napan... -
ANG TAMANG GAMIT NG RITO AT DITO "Bawal Umihi Rito" ang nakita kong paalala sa isang pader sa T. Alonzo St. sa Baguio City, malap...
Walang komento:
Mag-post ng isang Komento