makikipagkapitbisig ka ba sa mga tibak
dahil ikaw rin ay dukhang gumagapang sa lusak
iginagapang mo rin ba ang iyong mga anak
upang makaalpas sa hirap at di hinahamak
makikiisa ka ba sa layon ng aktibista
na sistema'y baguhin, patuloy na makibaka
na bayan ay di na mabuhay sa hirap at dusa
na kamtin ang lipunang pantay, malaya ang masa
yayakapin mo ba ang aktibistang simulain
na bulok na sistema't lipunang ito'y baguhin
na buong uring manggagawa'y oorganisahin
itatayo ang lipunang magsisilbi sa atin
itataguyod mo ba'y diwa ng uring obrero
yayakapin ang materyalismo't diyalektiko
ikaw ba'y makikipagkapwa't magpapakatao
pagkat lipunang makatao'y siyang sosyalismo
o nais mo ring maging aktibistang naririyan
di lang tagapanood kundi kaisa sa laban
upang maging pantay ang tao sa sangkatauhan
maging maayos ang kalikasan at daigdigan
tara, sa mga tibak ay makipagkapitbisig
at sa sosyalistang prinsipyo tayo nang sumandig
itatayo'y lipunang makataong may pag-ibig
gagawing mabuti ang kalagayan sa daigdig
- gregbituinjr.
Mag-subscribe sa:
I-post ang Mga Komento (Atom)
Sa ika-10 Black Friday Protest ng 2026
SA 10TH BLACK FRIDAY PROTEST NG 2026 patuloy ang panunuligsâ sa kurakot di natin titigilan ang mga balakyot kawatan sa pondo ng bayan silang...
-
ANG TAMANG GAMIT NG RITO AT DITO "Bawal Umihi Rito" ang nakita kong paalala sa isang pader sa T. Alonzo St. sa Baguio City, malap... -
Nabili ko sa Book Ends Bookshop sa Baguio City ang dalawang literary books na ito: katipunan ng mga tula ng makatang Ingles na si William Wo... -
UNANG LUTO kayrami nang ginagawa ni misis sa maghapon siya pa rin bang magluluto ng pagkain ngayon? maglilinis, maglalaba, patutukain yaong ...
Walang komento:
Mag-post ng isang Komento